Friday, 29 January 2016

Check Accuracy of Memorycard Or Usb


          یو ایس بی اور میموری کارڈز کی               
                      درستگی چیک کریں                     
اکثر لوگ سمجھتے ہیں ان کی یو ایس بی فلیش ڈِسک ہمیشہ کام کرتی رہے گی یعنی اس کے خراب ہونے کا کوئی امکان ہی نہیں، لیکن یہ بالکل غلط ہے۔ دیگر میموری اسٹوریج میڈیا کی طرح یو ایس بی فلیش ڈِسک کی بھی ایک محدود عمر ہوتی ہے۔ ان کے ریڈ اینڈ رائٹ سرکلز کی تعداد معین ہوتی ہے ، اگرچہ یہ تعداد ہزاروں میں ہوتی ہے لیکن کبھی نہ کبھی تو یہ تعداد پوری ہو گی۔ مقرر کردہ تعداد میں ان پر ڈیٹا ریڈ اینڈ رائٹ ہونے کے بعد یہ ناکارہ ہو جاتی ہیں۔ اس لیے اپنی یو ایس بی فلیش ڈرائیو یا میموری کارڈ میں اہم ڈیٹا محفوظ کرنے سے پہلے آپ کو پتا ہونا چاہیے کہ اس کی کتنی زندگی باقی ہے۔ اس کام کے لیے آپ کو کوئی سافٹ ویئر یا ٹول خریدنے کی ضرورت نہیں کیونکہ یہ کام آپ باآسانی مفت کر سکتے ہیں۔ اس کے لیے H2testw ٹول درکار ہو گا، جو کہ مفت دستیاب ہے۔
آج کل مارکیٹ میں بڑی تعداد میں جعلی یو ایس بی فلیش ڈرائیوز اور میموری کارڈ موجود ہیں۔ جعلی یا کرپٹ شدہ کارڈ یا یو ایس بی کو خریدتے ہی فوراً چیک کرنا انتہائی ضروری ہے، اس کے علاوہ آپ نے نوٹ کیا ہو گا کہ میموری اسٹوریجز کی رفتار بھی وقت کے ساتھ کم ہوتی جاتی ہے جو بالآخر بالکل ختم ہوتے ہوئے اس کی موت پر انجام پذیر ہوتی ہے۔
H2testw جرمن ڈیویلپرز کا بنایا ہوا ٹول ہے۔ یہ بہت ہی سادہ سا ٹول ہے، حتیٰ کہ اسے انسٹال کرنے کی بھی ضرورت نہیں پڑتی۔ اسے ڈاؤن لوڈ کرنے کے بعد چلائیں تو یہ آپ کے سامنے ہو گا۔ H2testw دو زبانوں جرمن اور انگریزی میں دستیاب ہے۔ اس لیے ابتدا میں ہی انگریزی زبان کا انتخاب کر لیں تاکہ استعمال میں آسانی رہے۔
اس کے بعد اپنے ونڈوز سسٹم میں لگی وہ یو ایس بی فلیش ڈرائیو منتخب کریں جسے آپ ٹیسٹ کرنا چاہتے ہیں۔ ٹارگٹ منتخب کرنے کے بعد یو ایس بی کی اسپیس منتخب کرنی ہو گی کہ جتنی اسپیس کو آپ ٹیسٹ کرنا چاہتے ہوں۔ بہتر یہی ہے کہ ڈیٹا والیم میںAll available space منتخب کر لیں تاکہ پوری ہی یو ایس بی فلیش ڈرائیو کا امتحان ہو سکے لیکن اس کے لیے پہلے یو ایس بی فلیش ڈرائیو کو فارمیٹ بھی کرنا پڑ سکتا ہے۔
ٹیسٹ کا مرحلہ شروع کرنے کے لیے سب سے آخر میں Write+Verify کے بٹن پر کلک کر دیں۔ یہ مرحلہ کئی منٹس پر محیط ہو سکتا ہے اور اس کے مکمل ہوتے ہی یو ایس بی فلیش ڈرائیو کی صحت کی رپورٹ آپ کو پیش کر دی جائے گی۔ اس میں بتایا جائے گا کہ یو ایس بی کی کتنی اسپیس کو ٹیسٹ کیا گیا ہے، Readاسپیڈ کیا تھی اور Write اسپیڈ کیا تھی۔ اس ٹیسٹ کے دوران یو ایس بی فلیش ڈرائیو میں H2W ایکسٹینشن کی فائل بنائی جاتی ہے جسے آپ بعد میں حذف کر سکتے ہیں۔
سو باتوں کی ایک بات یہ ہے کہ یہ بہت ہی سادہ سا ٹول بہت ہی آسانی کے ساتھ آپ کو یو ایس بی فلیش ڈرائیو یا میموری کارڈ کے ایررز یا کرپٹ ہونے کے بارے میں بتا کر خبردار کر سکتا ہے کہ اس میں اپنا ہم ڈیٹا محفوظ کیا جائے یا نہیں۔

Related Posts:

  • Number for Account Verifications 94 Get Free US Virtual Phone Number for Account Verifications Free US virtual phone number can be very handy if you want to verify your Gmail account, PayPal, Facebook or any other USA mobile number required w… Read More
  • windows welcome you 8 Add Voice Welcome Note in your Windows Startup It’s amazing that over the years Windows have gone through many phases yet it still lacks many cool features. For example it doesn’t have any option in control panel… Read More
  • How to Automate Tasks in Windows Homepage » Windows » How to Automate Tasks in Windows 0 How to Automate Tasks in Windows Microsoft introduced the Macro Recorder feature in it’s first version of Windows 3.1 back in 90′s and … Read More
  • How to Enable Start Menu and Button in Windows 8 Homepage » Windows » How to Enable Start Menu and Button in Windows 8 3 How to Enable Start Menu and Button in Windows 8 Microsoft Launched Windows 8 in 2013 and at that time they were not able… Read More
  • Redirect Blogger blog to Top Level Domain 4 Redirect Blogger blog to Top Level Domain Recently I started a new blog on blogger platform and it was really a painful experience for me because I am a fan of it and not finding many things that will make your l… Read More

0 comments:

Post a Comment